Ұстаз-қандай қастерлі, ұлағатты сөз! Әр жанның көкіректегі жүрегіне ерекше жылулық нұрын төгетін аяулы тұлға, ерекше жан бейнесімен өзектес ұғым. Адам баласының жүрегінде қадір тұтып, құрметтейтін екі ұғым болса, соның бірі Ұстаз десек артық айтқандық болмас. Себебі, «Ұстаз» деген қай заманда болсын қасиетті, қадірлі болған. Бүгіннен немесе кешеден ғана ұлы мамандық иелеріне құрмет көрсетіліп келе жатқан жоқ, ықылым заманнан бері ұстаздықтың шоқтығы биік тұр. Сондықтан болар, «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады.
Сондай ардақты ұстазымыздың бірі, 36 жыл мектепте жас ұрпаққа сапалы білім мен саналы тәрбие беріп жүрген Ордабасы ауданындағы Б.Оңтаев атындағы жалпы білім беретін мектебінің орыс тілі және әдебиеті пәнінің мұғалімі, педагог-зерттеуші Сүлейменова Балқадиша Қыдырбайқызы.
Сүлейменова Балқадиша Қыдырбайқызы 1966 жылдың 19 сәуірінде Өзбекстан республикасында көпбалалы отбасында дүниеге келген. 1973-1983 жылдары №3 Шоқан Уалиханов атындағы орта мектепте оқып, 1983-1988 жылдары Ташкент қаласындағы республикалық педогогикалық институттың орыс тілі және әдебиеті факультетін бітіріп, жоғарыда аталған пәнінің мамандығына ие болған. Еңбек жолын 1988 жылы Гагарин атындағы №10 орта мектептен бастаған. 1989 жылы тұрмысқа шығып, 1-ұл, 3-қызды тәрбиелеп өсірді. Қазіргі таңда 10 немересі бар. 2000 жылы Қазақстанға көшіп келіп, 2003 жылдан бастап Б.Оңтаев атындағы жалпы орта мектепте орыс тілі мен әдебиеті пәнінің мұғалімі болып жұмыс істеп келеді.
Жоғарғы санатты, педагог-зерттеуші ұстаз. Еңбек жолында республикалық, облыстық, аудандық, мектепішілік алғыс хаттар мен марапаттарға ие болған. Еңбек өтілі – 36 жыл.
Сүлейменова Балқадиша Қыдырбайқызы өз жұмысын жоғарғы денгейде жасайтын мұғалім. «Ұстазы мықты, ұстанымы мықты» дегендей осы уакытқа дейін тәрбиелеп, білім нәрімен сусындатқан шәкірттері талай биік белестерді бағындырып келеді. Осы еңбектері бағаланып, осы уақытка дейін түрлі марапаттарға ие болды. Құрмет грамотасымен, Алғыс хаттармен марапатталған.
Аудан мұғалімдері мен оқушылар арасында «Қабылданған дұрыс шешімдерім-менің өмірлік ұстанымым» тақырыбында өткізілген эсселер байқауында 2-орын иеленіп, Алғыс хат алды. «Ең білімді педагог-2020» республикалық пән олимпиадасына белсенді түрде қатысып, жақсы нәтиже көрсеткені үшін сертификат тапсырылды. Қазақстан Республикасының білім саласына қосқан елеулі еңбегі үшін Қазақстанның педагогикалық академиясының шешіміне сәйкес «Ұлағат» төсбелгісімен марапаталады.
Сонымен қатар, «Жас ұрпаққа жаңаша білім беру жолында оқу-тәрбие үдерісін жандандырудың, патриоттық тәрбие берудің әдістерін мерзімді баспасөз бетіне жариялау арқылы көрсетіп, мүше болғаны үшін» ІІ дәрежелі дипломмен және сертификатпен марапатталды. «Қазақстанда білім беру мен тәрбие үдерісіне инновациалық қызметті енгізу арқылы білім сапасын арттыруға, білім алушылардың шығармашылық әлеуетін, интеллектуалды қабілетін дамыту мен келер ұрпақ бойына үлкен азаматтық жауапкершілікпен Отаншылдық сезімін қалыптастыруға қосқан зор үлесі үшін» дипломмен марапатталды. «Құрметті ұстаз» республикалық байқауына қатысып, «Правовая культура и развитие функциональной грамотности на уроках русского языка и литературы» (урок-дебат) тақырыбындағы озық іс-тәжірбиесі құндылығымен жоғары бағаланғаны үшін дипломмен марапатталды. Өткен оқу жылында оқушылар арасындағы облыстық пәндік олимпиададан екі оқушысы Даулеткелди Қымбат 11 сынып 2 орын, Адил Айшабиби 10 сынып-3 орын иеленгені үшін Ордабасы аудандық адами әлеуетті дамыту бөлімінің «Құрмет грамотасымен» марапатталды. «Орыс тілі сөйлеу дағдысын дамытудың тиімді әдістері» тақырыбында аудандық семинарда белсенділік танытып, озық тәжірбиесімен бөліскені үшін Алғыс хатпен марапаталды.
Мұғалімнің жұмысының нәтижесі оқушларының жетістігімен бағаланады. Айталық, «Алтын қыран — ерекше дарын иесі» республикалык орыс тілі пәнінен олимпиадасында 1 дәрежелі дипломмен 8 сынып оқушысы Арын Кәусар Ұланқызы марапатталды. «Алтын қыран — ерекше дарын иесі» республикалык орыс тілі пәнінен олимпиадасында 1 дәрежелі дипломмен 8 сынып оқушысы Есмурат Акнур Акбердікызы марапатталды. «Алтын қыран — ерекше дарын иесі» республикалык орыс тілі пәнінен олимпиадасында 1 дәрежелі дипломмен 8 сынып оқушысы Алібек Әсемай Нуржанкызы марапатталды.
Балқадиша Қыдырбайқызы 1988 жылдан бастап осы уақытқа дейін үздіксіз сынып жетекші болып келеді. Ұстаз алған білімдерін оқушыларының бойына сіңіруде талмай еңбек етіп келеді. Оқушыларының басым көпшілігі грант иегерлері. Олар еліміздің түрлі салаларында қызмет жасауда және еліміздің өсіп-өркендеуіне өз үлесін қосып келеді.
