«2021-2025 жылдарға арналған ұлттық кәсіпкерлікті дамыту жобасы – «Даму» қоры жүзеге асырып жатқан кәсіпкерлікті қолдаудың ең танымал бағдарламасы.
Бағдарлама шарттарына сәйкес, кәсіпкерлер несие бойынша пайыздық мөлшерлемені субсидиялау және кепілдік қамтамасыз етудің жетіспеушілігін өтеуге көмектесетін кепілдік беру түріндегі мемлекет тарапынан қолдауға сене алады.
Ұлттық жоба бағдарламасы бойынша кәсіпкерлер мемлекеттік қолдау – субсидиялар арқылы жобалық қаржыландыруды ала алады. Несиенің максималды сомасы және мемлекеттік субсидиялар мөлшері жобаның орналасқан жеріне байланысты.
Жобаларын экономиканың басымдық берілген секторларында жүзеге асыратын кәсіпкерлер «Кәсіпкерлікті дамыту жөніндегі 2021-2025 жылдарға арналған ұлттық жоба» бағдарламасы аясында субсидия мен кепілдік ала алады.
Субсидия шарттары:
▪️ Мерзімі – 5 жылға дейін
▪️ Несиенің максимал сомасы: 3 млрд теңгеге дейін
▪️ Субсидия көлемі: 13,75%*
Кепілдік шарттары:
▪️ Мерзімі – несие мерзімінен аспайды
▪️ Максимал сома: 1 млрд тг дейін
▪️ Кепілдік мөлшері: 85%-ға дейін
Бағдарламаның толық шарттарымен https://damu.kzсайтымыздан танысуға болады. Қосымша сұрақтар туындаған жағдайда колл-орталыққа 1408 нөмірін теріп (тегін) хабарласуға да мүмкіндік бар.
Несие бойынша пайыздық мөлшерлемені төмендету үшін кәсіпкерлер банкке несие рәсімдеу керек, содан кейін несиенің мақұлдауын алғаннан кейін «Даму» Қорына өтінішпен жүгінеді.
Осы бағдарлама туралы және басқа мемлекеттік кәсіпкерлікті қолдау бағдарламалары туралы толық ақпаратты damu.kz веб-сайтынан және Түркістан қ., Жаңа қала мөлт.ауд., 28 көш., 5 ғим. Тел. +7 (7252) 99-70-49 алуға болады.
