Бәйдібек ауданының орталығы — Шаян ауылында ауыз су жүйесіне қосылу жұмыстары қарқын алды. Бүгінде 329 үйде су тапшылығы орын алса, күні кеше 496 үйдің ауыз су мәселесі өз шешімін тапқан.
Тарқата айтсақ, Шаянда Тәуелсіздік көшесінде 54 үй, Айналма жол көшесінде 63 үй, Е.Шөкеевте 110 үй, А.Нысановта 93 үй мен О.Жандосов көшесінде 94 үй, С.Сейфуллин көшесінде 77 үй, М.Әуезов көшесінде 5 үй, жалпы барлығы 496 үй жаңа су жүйесіне қосылды. Ауылда жаңадан тартылған ауыз су жүйесіне қосылу жұмыстары әлі де жалғасып жатыр. Соның ішінде ауылдағы су ұңғысының ішін тазалау, залалсыздандыру жұмыстары қызу қолға алынған.
Сонымен қатар, биыл Алғабас ауылдық округінің орталығы Шақпақ ауылында ауыз су жүйесіне қайта құру жұмыстарының құрылысы басталған. Қазіргі таңда аталған ауылдың ішкі көшелеріндегі су құбырлары жаңартылып жатыр. Өткен жылы қазылған су ұңғымасының ішіне ауамен қысымдау жұмыстары жүргізіліп, бүгінде құбырларын шайып тазалау жұмыстары басталды.
