Кентау қаласының әкімі Жандос Тасовтың төрағалығымен аппараттық жиын өтті. Жиынға жауапты орынбасарлары мен бөлім, мекеме басшылары қатысты. Лездемелік жиынның күн тәртібінде үш мәселе қаралды.
Бірінші мәселе бойынша қалалық жұмыспен қамту және әлеуметтік бағдарламалар бөлімінің басшысы Б.Айтбаев бөлімнің 7 айда атқарған жұмыс барысын баяндады.
Қалада бизнес-идеяларды іске асыру үшін 2023 жылға 90 адамға мемлекеттік гранттар беруге жоспар бекітілгені, бүгінгі таңда 1,2 лек бойынша 44 адамның жобасы мақұлданған. Мансап орталығының құрылыуына байланысты 04.09.2023-15.09.2023 жылы аралығында 3,4 лекке өтініштер қабылдау өтетінін баяндады. Сонымен қатар, жастарға арналған 2,5 пайыздық несиелеу бойынша 28 жасқа беру жоспарланған. Бүгінгі таңға 13 азамат несие алуға өтініш білдірген.
Қала басшысы жастарға мемлекеттен берілетін қолдауларды насихаттау-түсіндіру жұмысын жандандыруды жауапты орынбасары мен сала басшыларына тапсырды.
Екінші болып қалалық ТҮКШ және ТҮ инспекциясы бөлімінің маманы қаладағы санитарлық-тазалық жұмыстарының барысы бойынша баяндады. Қаланың тазалық жұмысын айналысушы мекеменің жұмысына тұрғындар тарапынан шағымдар көбейгенін атаған қала басшысы жауапты орынбасары мен осы салаға жауапты мекеме басшыларына қала тазалығын қалыпқа келтіру және қоқыс жәшіктерін ретке келтіру жайында қатаң тапсырма берді.
Күн тәртібіндегі соңғы мәселе бойынша 109 орталық басшысының орынбасары Б.Асанов тұрғындар тарапынан түскен арыз-шағымдардың орындалу барысын баяндап өтті.
Қала басшысы тұрғындар тарапынан келген әрбір арыз-өтінішке уақытылы жауап беріп, кері байланысты орнатуды жүйленедіруді тапсырды. Жиында көтерілген әрбір мәселенің шешу барысында атқарылған жұмыстар әр жиында тыңдалатынын ескертті.
