Кентау қаласының әкімі Жандос Тасов қабылдауында болған қала тұрғынынның өтініші бойынша, құрылысы жүріп жатқан мекен-жайларға барды. Құманғазы 84а, 86, 86а тұрғын үйлерде жүргізіліп жатқан құрылыс жұмыстарының барысын бақылап, тұрғындармен кездесті. Сапасына күмән келтірген қала тұрғындарының өтінішін мердігер мекемеге көрсетіп, құрылыстың сапасына аса мән беру керектігін ескертті.
Әрбір көпқабатты тұрғын үйге жүргізіліп жатқан құрылыс жұмыстардың жүйелі жүргізілуі мен сапасын ұдайы бақылап отыруды тиісті салаға және жауапты мекемеге қатаң тапсырды.
Тұрғындар тарапынан көтерілген сауалдарға жауап беріп, айтылған ұсыныс-талаптардың орындалуы бақылауда болады деді.
Кентау қаласы бойынша 376 көпқабатты тұрғын үйлер бар. Бүгінгі таңға қаладағы 211 көпқабатты тұрғын үйлердің шатыры, кіреберістері, қасбеті, жертөледегі инженерлік жүйелері толығымен жаңғыртылды. 2023 жылға 55 көпқабатты тұрғын үйге республикалық бюджеттен қаржы қаралып, құрылыс жұмыстары басталған.
