Бүгін Төлеби ауданындағы Қасқасу ауылдық округінде жеке кәсіпікер Талғат Сейітовтың демеушілігімен спорт және өнер кешені ашылды. Орталықтың ашылу салтанатына аудан әкімінің орынбасары Лесбек Әуезханұлы, аудандық мәслихат төрағасы Нұрлан Хамзаұлы қатысып, ақ тілектерін жеткізді.
Аталған орталықта спорт зал, жабық футбол алаңы, үйірмелерге арналған және жуынатын бөлмелер қарастырылған. Кешен ауа райына қарамастан жыл бойы жұмыс істейтін болады.
Бүгінде ауданда салауатты өмір салтын кеңінен насихаттау жұмысын жандандыру бағытында көптеген игі істер атқарылуда. Осы мақсатта биыл 6 кіші футбол алаңшалары салынды. Жалпы аудан аумағында 400 спорттық нысан жұмыс істейді. Оның ішінде 68 спорт зал, 294 спорттық алаң, 1 стадион, 2 жүзу бассейні бар. 2023 жылдың 10 айында аудандағы спортпен шұғылданушылар саны 50 950 адамға жеткен.
