Созақ ауданындағы Нәзір Төреқұлов атындағы ІТ мектеп-лицейінде «Біртұтас тәрбие бағдарламасын» іске асыру мақсатында түзілген кешенді жоспарды іске асыру мақсатында «Мақал — сөздің азығы, жұмбақ — ойдың қазығы» атты тақырыпта мектепалды даярлық сынып оқушылары арасында сайыс өтті. Сайысқа ата-аналар да қатыстырылды. Сайыс тартысты өтті. Сайысқа қатысушылар алғыс хатпен марапатталды.
Айта кетейік, Созақ ауданының білім бөліміне қарасты білім беру ұйымдарында өткен 2022-2023 оқу жылында аудан бойынша 1540 бала мектепке қабылданып, жалпы 15433 оқушыны құраған болатын.Қазіргі таңда 2023-2024 жаңа оқу жылы қарсаңында 1 сыныпқа 1528 оқушы қабылданып, 15468 (МАД тобында-1219) оқушыны құрап отыр.Аудан бойынша типтік мектептер саны — 33, ыңғайластырылған мектептер саны – 2.
Өткен оқу жылында аудандағы жалпы орта білім беретін мектептерді 937 түлек бітірді. Олардың ішінде жоғары оқу орынына 779 оқушы түссе, арнаулы оқу орнына 108 оқушы қабылданды. 7 оқушы отан алдындағы азаматтық борышын өтеуге аттанды. Мектепті 52 оқушы «Алтын белгіге» (47 оқушы грант иеленсе, 4 оқушы ақылы негізде, 1 оқушы отбасылық жағдайына байланысты оқуға түспеді) және 90 оқушы үздік аттестатқа бітірді.
Сонымен қатар, аудандағы 37 балабақшада (17-мемлекеттік, 20-жекеменшік) 4140-қа жуық бала тәрбиеленуде (мемлекеттік балабақшалардағы 2491 бала, жекеменшік балабақшаларда – 1648 бала тәрбиеленуде). «Білімді ұлт» ұлттық жобасы аясында 2-6 жастағы балаларды балабақшамен қамтуды 100 пайызға жеткізу міндеті тұр. Қазіргі таңда ауданда балаларды балабақшамен қамту көрсеткіші 99,6%-ды құрады.
