Келес ауданында көкпардан жасөспірімдер арасындағы Түркістан облысының чемпионаты өтті. Аталған сайысқа Келес, Отырар, Сайрам, Түлкібас, Қазығұрт, Жетісай, Шардара және Сарыағаш аудандарынан сегіз команда қатысып, өзара шын мықтыны анықтады.
Қазығұрттық жасөспірімдер командасы ақтық сында келестіктерді 4:3 есебімен жеңіп облыс чемпионы атанды. Ал екінші орын — Келес ауданының командасына бұйырса, үшінші орынды – сайрамдық көкпаршылар иемденді. Жүлделі орын алған командалар мен балуандарға арнайы кубок, медальдар мен естелік сыйлықтар табысталды.
