Түркістан қаласында «Таза Қазақстан» республикалық экологиялық акциясы қарқынды жүзеге асуда. Шаһардың орталық 28 көшесінде тазалық жұмыстары жүріп жатыр. Сондай-ақ, облыс орталығындағы 1 416 нысанның қасбеттері сырланып ретке келтірілді.
Бүгін қала әкімі Нұрбол Тұрашбеков жауапты бөлім басшыларымен бірге 28 көшені аралап, атқарылған тірліктерді бақылады. Тазалық пен абаттандыруға 1 мыңға жуық жұмысшы тартылған. Жұмысшы топ тарапынан жүргізілген зерделеу нәтижесінде қосымша 121 нысанды қалпына келтіру қажеттігі анықталған. Аталған жұмыстар акция аясында атқарылатын болады.
Шаһар басшысы бірқатар кемшіліктерге тоқталып, жауаптыларға тапсырмалар жүктеді. Сонымен қатар, жасыл желектерді күтіп-баптау ісіне жауапкершілікпен қарауды ескертті.
