Кентау қаласындағы Ш.Қалдаяқов атындағы мәдениет үйінде ата-аналардың және мүдделі органдардың қатысуымен, қалалық прокуратура және полиция бөлімдерінің ұсынысына сәйкес, білім бөлімі мен қала әкімдігінің ұйымдастыруымен «Ұлағатты ұрпақ тәрбиелеу – аса жауапты әрі күрделі міндет» тақырыбындағы ата-аналар форумы өтті. Форумның мақсаты – қоғамда ата-ананың, ұстаздар мен оқушылардың мәдениетін қалыптастыру, олардың белсенділігін арттыру, ата-ананың бала тәрбиесіндегі рөлін күшейту, отбасы құндылықтарын насихаттау, бала құқығы мен отбасы әлеуетін, білімі, денсаулығы, қауіпсіздігі, тағы басқа өзекті мәселелерді талқылап, бастамаларды қолдау және жүзеге асыру. Сондай-ақ ата-аналарға профилактикалық түсіндірме жұмыстарын жүргізу және 2023-2024 оқу жылының аяқталуына орай 25 мамыр соңғы қоңырау жиынының өтілу алоритмін түсіндіру.
Жиынға Кентау қаласы әкімінің орынбасары – Байболова Ақнұр Нұралықызы, қалалық мәслихат төрағасының міндетін атқарушы Жабанов Бауыржан Жақсылықұлы, қала прокуратурасының прокуроры – Абилкасымов Бақберген Дүйсенбекович, ПБ бірінші орынбасары полиция подполковнигі Түймебаев Данияр Тлеубергенұлы, ювенальді полиция бөлімінің басшысы,майор – Ахметов Жамболат Саруарұлы, білім бөлімінің басшысы – Ауелбеков Адил Арысбайұлы, қалалық емхана басшысының ана мен бала денсаулығын қорғау жөніндегі орынбасары – Андабасова Алия Сагидулатовна, қалалық төтенше жағдайлар бөлімінің басшысы – Төлегенов Серік Даулетярұлы, Жастар ресурстық орталығының басшысы Азат Сұлтан Бақытұлы, ата-аналар, мектеп басшылары, тәрбие орынбасарлары, педагог-психологтар, әлеуметтік педагогтар, сынып жетекшілер қатысты.
Жалпы биыл Кентау қаласында 2023-2024 оқу жылында 11-сыныпты 23 жалпы білім беретін мектептен 741, жекеменшік мектептерден 194, жалпы алғанда 935 түлектер 11-сыныпты бітіреді. Оқу жылының аяқталуына орай, жалпы мектептерде оқушылардың қатысуымен өтетін мерекелік іс-шаралардың алгоритмі, жол қауіпсіздігі, құқықбұзушылықтың алдын алу және болдырмау мақсатта күндізгі, түнгі рейдтердің жүргізілуі, жазғы маусымдағы қауіпсіздіктер, бос уақытын тиімді ұйымдастыру жолдары туралы баяндамалар оқылды. Форум барысында ата-аналарға брашуралар тарқатылып, жыл бойы білім ордасымен тығыз байланыста бірлесіп бала тәрбиесінде белсенділік танытқан ата-аналар марапатталды. Шара соңында Әл-Фараби атындағы №14 мектеп оқушысының «Әке-Ана сіздерге мың алғыс» әнімен қорытындыланды.
Мемлекет басшысы Қасым-Жомарт Кемелұлы Тоқаев: «Білімдіден шыққан сөз, Талаптыға болсын кез», – деп ұлы Абай айтқандай, Ұстаз – әрқашан ілім мен ізгілікті алға қоятын тұлға. Ұлағатты ұрпақ тәрбиелеу – аса жауапты әрі күрделі міндет. Ұстаздар мен ата-аналардың арқасында тұтас бір буынның құндылықтары мен қасиеттері қалыптасады. Бала тәрбиесі баршаға ортақ сондықтан жиында барша ата-аналарға бала тәрбиесінде белсінді болу ұсынылды.
