Түркістан облысы, Отырар ауданында «М.Шаханов атындағы жалпы білім беретін мектеп» коммуналдық мемлекеттік мекемесінде «М.Шаханов атындағы жалпы білім беретін мектебіне 55 жыл толуына орай аудан мектептерінің 9,11-сынып оқушылары «Алтын белгі» және «Үздік аттестатқа» үміткерлер арасында «М.Шаханов шығармаларындағы ұлттық құндылықтар» атты аудандық эссе байқауы өткізілді.
Байқаудың мақсаты – шығармашыл оқушылардың бойындағы патриоттық сезімді арттырып, ақиық ақын шығармаларын насихаттай отырып ұлттық құндылықты дәріптеуге бағыттау.
Эссе байқауы жоғары деңгейде ұйымдастырылып, «жүзден – жүйрік, мыңнан – тұлпар» оза шапқан оқушыларға ұйымдастырушылар және демеушілер тарапынан сертификаттар, дипломдар және ынталандыру сыйлықтар табыс етілді. Атап айтсақ, І орын – біреу – 20 000 (жиырма мың теңге). ІІ орын – екеу – 15 000 (он бес мың теңге). ІІІ орын – үшеу – 10 000 (он мың теңге) берілді.
