Кентау қаласында 2023-2024 оқу жылында мектептердегі үлгерім пайызы – 100%, білім деңгейінің орта баллы – 4 балл, білім сапасы – 57,3% құрады. Бұл өткен жылмен салыстырғанда 1,5% жоғары.
Қала бойынша 2023-2024 оқу жылында 928 түлек мектеп бітірді. Оның ішінде 741 түлек мемлекеттік 23 мектепте, 187 түлек 2 жекеменшік мектепті тәмамдады. ҰБТ-ға оқушылар кезең-кезеңімен баруда. Бүгінгі таңдағы ҰБТ тапсырған оқушылардың нәтижесі бойынша Түркістан облысы бойынша ең жоғарғы 138 балл жинаған «Грант» мектебінің түлегі – Айдос Қожанов. Мектеп бітіруші түлектердің арасында 45 оқушы «Алтын белгі», 30 оқушы «Үздік үлгідегі аттестат»-қа үміткер.
2023-2024 оқу жылында 43 оқушы облыстық пән олимпиадасына қатысып, 37 жүлделі орын иеленіп, 3 оқушы республикалық пән олимпиадасына қатысып, жүлдемен оралды. Былтырғы жылмен салыстырғанда 6,7 пайызға өсім бар. 2023-2024 оқу жылында алғаш рет ауыл олимпиадасы өткізілді. Оған 231 оқушы қатысып, 9 оқушы республикадан жүлделі орындармен оралды.
Білім бөліміне қарасты мектептерде кәмелет жасқа толмаған жасөспірімдер арасында құқықбұзушылықтың алдын алу мақсатында жыл бойы жұмыстар жүргізілді.
Одан бөлек «Кәмелетке толмағандар арасында профилактикалық шаралардың алдын алу проблемалық жағдайындағы балалардың әлеуметтік тұрақтануы үшін кедергі-қиындықтарды жеңуге жағдай жасау, проблеманы шешудегі жұмыстарды жүйелі жүргізудің нәтижесінде 2022-2023 жылы кәмелетке толмағандар арасында өз-өзіне қол салу дерегі тіркелген жоқ. Соңғы 3 жылмен салыстырғанда суицид төмендеген.
Қала бойынша 2024 жылы 8713 бала ыстық тамақпен қамтылып, 18% құрайды. Бұл өткен жылдармен салыстырғанда 4% артты.
Қыркүйек айынан бастап 1-4-сыныпта оқитын 7651 бала тегін тамақпен қамтылды. Жалпы 8713 оқушы бір реттік ыстық тамақпен және мектептке дейінгі ұйымдарда ӘАК (әлеуметтік атаулы көмек) алатын отбасының 1062 баласы тегін тамақпен қамтамасыз етілуде.
Кентау қаласы бойынша жазғы сауықтырумен қамтуға жататын оқушы саны – 11577 бала. Соның ішінде қала сыртындағы лагермен – 2200 бала және 150 бала Қазақстан халқы ұлттық қорының демеушілігімен «Машат-Арасан» және «Гавая» лагерлерімен қамтылуда. Қазіргі таңда 100 оқушы демалып келді, 5 ауысымда 50 оқушы демалады. Мектепішілік сауықтыру алаңына бастауыш сынып оқушыларынан мектепте – 5000 бала тамақсыз, 2500 бала бірретік тамақпен қамтылды. 1827 бала түрлі деңгейдегі (палаткалы, киіз үйлі, туристтік, спорттық, архелологиялық, клубтық, орман және көгалдандыру лагерлерімен) лагерлермен қамтылды.
2023-2024 оқу жылында 8 мектеп және 5 балабақша мемлекеттік аттестаттаудан өтуі керек болатын. Қазіргі таңда №9,11,16,19,Д.Қонаев, Ө.Жәнібеков, Шаш төбе мектептері мемлекеттік аттестаттаудан өтті. Ал №2 мектеп қорытындысын күтуде. Қазіргі таңда жоспарға сай өз кезегінде МКҚК «Көктем» балабақшасы екінші кезеңнен аттесталды, МКҚК «Жұлдыз» бөбекжай-бақша қорытындысын күтуде, МКҚК «Қамқор», «Дәуір» бөбекжай-бақшалары биылғы жылдың шілде айында, МКҚК «Балдәурен» бөбекжай-бақшасы қараша айына жоспарланған.
Бұдан өзге Кентау қаласында кеңжолақты интернет желісіне 23 мектеп қосылған. Оптика талшықты интернетпен – 19 мектеп, медпен – 4 мектеп тартылған. Оның ішінде 4 мектеп – 50 мб/с, 6 мектеп – 40 мб/с, 5 мектеп – 30 мб/с, 2 мектепте – 20 мб/с, 6 мектепте – 8 мб/с. Бұл 91,3% құрады.
Ащысай ауылындағы 2 мектеп 4 м/б спутниктік интернетпен қамтылған.
Қазіргі таңда Кентау қаласындағы мектептерде 269 бейнебақылау камералары 2014-2021 жылдар аралығында орнатылған болатын. 2023 жылы қосымша 25 комплект (200 дана) бейнебақылау камералары (8 бейнебақылау камералары) орнатылып, жұмыс істеп тұр. Оның 2-уі сыртқы бағыттарды анықтау үшін, 6-ы ішкі дәліздерді бақылауға орнатылды.
Бүгінгі таңда Кентау қаласы бойынша 23 мектептің барлығына цифрлық бейнебақылау орнатылған. 23 мектептің 22-і Қазақтелеком, 1-і Транстелеком АҚ-да. Қазақтелеком АҚ-дағы 22 мектептің 18-і қосылды. 4 мектепке қазіргі таңда Қазақтелеком АҚ тарапынан отпика желісі тартылып жатыр. 1 мектепке Транстелеком АҚ тарапынан Микротик қойылып, орталық цифрлық бейнебақылауға қосылды. Қазіргі таңда 19 мектеп ЦОУ-ға қосылған.
Турникет бойынша жалпы 14 мектепке саны 56 дана турникет орнатылып, толықтай жұмыс жасап тұр.
№2,5,6,7,8,24 мектептерде мектеп қоршаулары жаңартылды. Биылғы жылы мектеп қоршауларын жаңарту жұмыстарын №1,3,12,16,17,22 Қашғари мектептеріне жүргізуді жоспарланып отыр. Қаладағы 23 мектепке дабыл батырмалары 100% орнатылып, облыстық полиция департаментіне қосылған.
Еліміздегі соңғы жағдайларға байланысты мектептердегі оқушы қауіпсіздігін сақтау маңыздылығы артып отыр. Мектептерде 100% мамандандырылған күзет қызметі жұмыс істейді. Мектеп алды көшелерде жарықтандыру жүйелері мен арнайы жол белгілері орнатылған.
