Түркістан облысында 2024 жылы 30 балаларды жазғы сауықтыру лагері қызмет көрсетуде. 998 мектеп жанындағы лагерлерде 320 641 бала қамтылды. Соның ішінде, әлеуметтік аз қамтылған отбасылардан шыққан 35 434 бала бюджет есебінен тегін жазғы сауықтырумен қамтылса, 20 мыңнан аса бала ата-аналар есебінен ақылы демалады. «Қазақстан халқы қоры» есебінен 3421 бала тынығады. Бүгінгі таңда лагерлерде 25 696 бала демалды. Жазғы демалыс 20 тамызға дейін жалғасады.
Демалысты ұйымдастыру жөніндегі облыстық штаб құрамы бекітілген. Штаб өкілдері мен білім басқармасының, білім бөлімдерінің қызметкерлерімен жазғы сауықтыру қызметін ұсынған лагерлердегі балалардың жай-күйі, қауіпсіздігі мен жазғы демалыстың ұйымдастырылуы назарға алынған. Аптасына екі рет мониторинг жасалуда.
Жазғы сауықтыру барысында балалар түрлі бағыттағы танымдық, мәдени, шығармашылық, спорттық шараларға тартылуда. Сондай-ақ әр ауданнан 10 баладан 170 бала Бәйдібек, Отырар, Төлеби, Түлкібас, аудандары мен Түркістан қаласындағы туристік орындарға саяхатқа барды және 50 бала Астана қаласына барады деп күтіліп отыр.
Айта кетейік, жалпы жаз мезгілінде өңір бойынша 22 сауықтыру лагері жұмыс істейді. Оның ішінде 14 мыңнан аса педагог қызметкерлер жұмыс атқарады. Сонымен қатар, жоғары оқу орындары мен жастар орталықтарынан 95 волонтерлар, 80 облыстық колледж студенттері практикаға тартылады. Сонымен бірге, мектеп жанында 5 күннен шатырлы және икіз үйлердің жұмысы Оқу-ағарту министрлігінің берген нұсқаулықтарының негізінде ұйымдастырылады. Оған 10 000 оқушы қамтылатын болады. Қаржыландыру жергілікті бюджет есебінен төленеді. Бүгінгі таңда осы лагерлердің жұмысын қызықты өткізу үшін «Үздік жаздық бағдарлама» байқауы жоспарланған. Таулы аймақтарда маусым айында күннің суықтығына байланысты шатырлы этно лагерлер жұмыстары шілде ай ында басталып, тамыз айында аяқталады деп жоспарланып отыр.
