ҚҰРМЕТТІ КЕНТАУ ҚАЛАСЫНЫҢ ТҰРҒЫНДАРЫ МЕН ҚОНАҚТАРЫ!
Жас балалардың суға шомыла білмеуі, адамдардың суда қауіпсіздік ережелері, шараларын орындамауы орны толмас қайғы мен өкінішке айналып жатады. Сондықтан осындай келеңсіз оқиғаларды болдырмау үшін, төмендегі ережелерді орындаған жөн:
Суда шомылудың қауіпсіздік шаралары:
1. Суға тек қана рұқсат етілген орындар мен жағажайларда шомылыңыздар.
2. Суға шомылатын жерді, жалпы жағдайды судың тазалығын, тереңдігін мұқият тексеріп алыңыз.
3. Тамақ ішкеннен кейін бірден шомылмаңыз.
4. Өте ұзақ шомылмаңыз, өзіңізді шаршауға және тоңып қалтырауға дейін жеткізбеңіз.
5. Суға түскенде бір-біріңізді және балаларды көзден таса қылмаңыз.
6. Қоршау белгілерінен тысқары аумаққа шықпаңыз.
Есте сақтаңыздар! Судағы апаттан қорғанудың ең сенімді жолы — суда шомылу ережелері мен қауіпсіздік шараларын қатаң сақтау.
Кентау қаласы аумағында суға шомылуға тиым салынған орын болып бекітілген аумақтар:
— «Қосқорған» су қоймасының су ағар төкпесі
— Ырмақ өзені
— Біресек өзені
— Хантағы өзені
— Итқырылған, Ортанды өзені
— Байылдыр өзені.
Белгіленбеген өзен көлдерге суға шомылудың салдарынан, Облыс көлемінде 22- адамның суға кету фактісі тіркеліп отыр. Осыған орай арнайы шомылу орындарына ғана суға шомылуға, қауіпсіздік ережелерін қатаң түрде сақтауларыңызды сұраймыз.
Кентау қаласы әкімдігінің баспасөз қызметі
