Кентауда заңсыз жер қойнауын пайдаланушылармен күрес күшейеді

Бүгін қала әкімі Жандос Тасовтың төрағалығымен, қала әкімдігінің кезекті мәжілісі өтті. Мәжіліске қала әкімінің орынбасарлары, аппарат қызметкерлері, дербес бөлім басшылары, ауыл әкімдері мен мекеме басшылары қатысты. Мәжілісте Кентау қалалық кәсіпкерлік және ауылшаруашылық бөлімінің басшысы С.Асылхан Кентау қаласы және оған қарасты ауылдарда заңсыз жер қойнауын пайдалануды алдын алу және болдырмау мақсатында атқарылған шаралар туралы, қалалық газ қызметі КММ директоры А.Әміртаев қала аумағындағы тұрғын үйлердің орталықтандырылған табиғи газ жүйесіне қосылу барысы, облыс әкімінің хаттамалық тапсырмаларының орындалуы мен қаладағы санитарлық тазалық барысы жайында қала әкімдігі аппаратының бөлім басшысы Ә.Елеусізов, 109 байланыс орталығының басшысы Ж.Қожахметтің қаладағы секторлар бойынша атқарылып жатқан жұмыстары тыңдалды. Әр сала басшысының баяндамасын тыңдаған қала басшысы бірқатар мәселелерді көтерді. Заңсыз жер қойнауымен айналысып жүргендерді анықтап, оларға тосқауыл қою бойынша қатаң тапсырма берді. Сонымен қатар, қаладағы орталық жылуға қосылған жеке сектордағы үйлерді және кәсіпкерлік нысандарды түгелдей көгілдір отынға өткізу бойынша белгіленген мерзімге дейін орындау туралы тапсырма берді. Қаланың әр бөлігінде жүргізіліп жатқан санитарлық бақылау барысында анықталған кемшіліктерді қалыпқа келтіру, тұрғындарға құрылыс қалдықтарын бей-берекет тастамау бойынша түсіндірме жұмысты тоқтатпай жүргізу керектігін атап өтіп, сала басшыларына ескерту жасады. Мәжіліске қатысушылар тарапынан баяндамашыларға сұрақтар қойылып, ұсыныстар айтылып, кемшіліктерді жою үшін тапсырмалар берілді.