Бүгін «Фараб» кітапханасында ҚР Мәдениет қайраткері, ҚР Мәдениет саласының үздігі, Қазақстандық салалық мәдениет, спорт, туризм және ақпарат қызметкерлерінің кәсіптік одағы қоғамдық бірлестігінің Түркістан облыстық және Шымкент қалалық филиалдарының төрағасы Бастарбек Пірімбетовтың «Алыс та жақын жылдарым» атты кітабының тұсаукесері өтті.
Кешті Түркістан облыстық мәдениет басқармасының басшысы Әзімхан Қойлыбаев ашып беріп, ізгі лебізін білдірді. Ақын, Қазақстан Жазушылар одағының Түркістан облысындағы өкілі Айдар Сейдазым іс-шара тізгінін алып, модераторлық етті.
«Алыс та жақын жылдарым» кітабында өмірбаяны мен еңбек жолы баяндалған. Жаңа туындының тұсауын Әзімхан Қойлыбаев, белгілі режиссер, Қазақстанныңң еңбек сіңірген қайраткері, «Құрмет» орденінің иегері Әскер Құлданов, «Құрмет» орденінің иегері, ҚР Мәдениет қайраткері, «Дарын» мемлекеттік жастар сыйлығының иегері, облыстық мәслихат депутаты Бекарыс Шойбеков, ҚР Мәдениет қайраткері, Түркістан қаласы әйелдер алқасының төрайымы Ұлжан Мұстафаева кесіп, жиналған көпшілікке таныстырды.
Кеш барысында келушілерге арнайы жасақталған инсталляциялық көрме таныстырылды. Жиналған қонақтар авторға жылы лебіздерін айтып, шығармашылық табыс тіледі.
Айта кетейік, аталған шара облыстық мәдениет басқармасының бастамасымен облыстық «Фараб» әмбебап ғылыми кітапханасы ұйымдастырған.
