Қазақстанда энергияның негізгі үлесі көмір мен газға тиесілі болса, дамыған елдер қоршаған орасан зор зиян келетіндіктен бұл көздерді қысқарта бастады. Мысалыға келтірер болсам, Испания қазіргі көмір өндіру қуаттылығын тең жартысына дейін қысқартып тастауды жоспарлаған. Франция қалған төрт көмір электр станциясын жабамыз деп отыр. Жапонияда ядролық энергетика ұлттық стратегиялық басымдыққа айналған. Ол елде 31679 МВТ қуаттылықпен 33 реактор жұмыс істейді. Тіпті Фукусимадағы апаттан кейін де Жапония АЭС салуды жалғастыра беруді көздеп отыр. Қазір қуаттылығы 2653 МВт болатын екі реактордың құрылысы жүріп жатыр екен. Ядролық энергетика әлемде үлкен маңызға ие болып отыр. 2020 жылы энергия өндіру бойынша АҚШ, Қытай, Франция, Ресей, Оңтүстік Корея, Канада, Украина, Германия, Испания және Швеция елдері алдыңғы қатарда болған. Сондықтан да әлемдегі осындай елдердің ұстанған саясатын қолданатын болсақ біздің елімізде көптеген шығынды үнемдейміз деген ойдамын.
Райат БАТЫРҚЫЗЫ,
Кентау қаласының тұрғыны
