Түркістан облысы әкімінің орынбасары Бейсенбай Тәжібаев Түркістан қаласы неге өңірдегі «Арақсыз ауыл» жобасына қатыспай жатқанын түсіндірді. Б9л туралы «ҚазАқпара» АА хабарлады.
Мәжілістің жалпы отырысында депутат Ардақ Назаров қалаға ерекше мәртебе беруді көздейтін заң жобасын талқылау кезінде Түркістанды арақсыз қалаға айналдыруға не кедергі болып тұрғанын сұрады.
— Түркістан облысында арнайы «Ішімдіксіз ауыл» деген жоба жарияланған. Қазір жобаға 30-дан астам ауыл қатысып жатыр. Бұл бастаманы Түркістан қаласының зиялы қауымы мен ақсақалдары түрлі форматта талқылады. Дегенмен, Түркістан қаласының негізгі басым бағыттарының қатарында рухани-мәдени дамумен қатар туристік бағыттағы қала ретінде бекітіліп отыр. Сондықтан бизнес қауымдастық бұл мәселеге өз көзқарастарын айтып жатыр. Аталған мәселе орынды. Заң жобасы қабылданып жатса, бұл мәселені де тиісті заң нормалары аясында қарастыру керек деп есептейміз, — деді әкімдік өкілі.
https://kaz.inform.kz/news/turkstan-nege-araksiz-kala-bola-almay-otir-akmdk-zhauabi-1f33d0/
