Бүгін “Жол активтері Ұлттық сапа орталығы” ШЖҚ РМК Түркістан облысы филиалының директоры Ғалымжан Әмірбекұлы пен Кентау қаласы әкімінің орынбасары Нұрбол Нұралыұлы және жол саласында қызмет атқаратын мамандар сондай-ақ, мердігер мекемелердің өкілдерімен жиын өткізілді.
Жиын барысында филиал директоры мемлекет басшысы Қасым-Жомарт Тоқаевтың 2024 жылғы 02 қыркүйегіндегі жолдауында айтылған орта деңгейде жөндеуге арналған бағдарламаның мән-маңызы зор екендігін атап өтіп, алдағы уақытта орташа жөндеу жұмыстары барысында жол сапасына аса көңіл бөлу қажеттігін жеткізді.
Салынатын жолдардың сапасын арттыру мақсатында, жол саласындағы мамандардың біліктілігін арттыру бойынша арнайы оқу әдістемеден өтуге ұсыныс білдірді.
Биыл Кентау қаласына қарасты ауылдарда 13,8 шқ құрайтын 14 көшеге орташа жөндеу жұмыстары жүргізілген. Салынған жолдардың сапасына сынама алу жұмыстарын жүргізуге “Жол активтері Ұлттық сапа орталығы” ШЖҚ РМК Түркістан облысы филиалымен шарт жасалынып, тұрақты бақылауға алынған.
