Кентау қаласында «Таза Қазақстан» шарасы аясында сенбіліктер ұдайы өткізіліп келеді. Сондай-ақ, тұрғындар арасында тазалық сақтау бойынша түсіндірме жұмыстары да тұрақты түрде жүргізілуде. Соған қарамастан кейбір тұрғындардың шығарған қоқыстары қала көшелерін бейберекет ластап жататыны анық. Қоқыс жәшіктеріне немесе белгіленген орындарға емес, рұқсат етілмейтін жерлерге қоқыс тастайтындар бар.
Осы мақсатта жауапты сала мен қалалық полиция бөлімі мамандарымен біргелікте рейдтік жұмыстар жүргізілді. Нәтижесінде, аулалардағы белгіленбеген орынға түрлі тұрмыстық қалдықтарды тастап жатқан азаматтар анықталып, Қазақстан Республикасының «Әкімшілік құқық бұзушылық туралы» Кодексіне сәйкес хаттамалар толтырылып, айыппұл салынды.
Егер де, тұрмыстық қалдықтарды ортақ пайдаланылатын орындарға, саябақтарға, аула сырттарына, оның ішінде белгіленбеген орындарға тастаған тұрғындар анықталған жағдайда Қазақстан Республикасының Әкімшілік құқық бұзушылық туралы Кодексінің талаптарына сәйкес хаттамалар толтырылып, айыппұл салынатындығын мәлімдейміз. Қала – баршамызға ортақ! Сондықтан барша тұрғындарды қаланың тазалығына мән беріп, таза ұстауға шақырамыз.
Кентау қаласы әкімдігінің баспасөз қызметі
