Кентау қаласының 70 жылдық мерейтойына орай баскетболдан ересектер арасында Кентау қаласының ашық турнирі ұйымдастырылды. Байрақты бәсекеге Қызылорда облысы, Түркістан қаласы, Түлкібас, Арыс, Отырар, Созақ, Қазығұрт аудандарынан 8 команда қатысты.
Жарыстың ашылу салтанатында сөз алған Кентау қаласы әкімінің орынбасары Ғалымжан Төлепов, спорттың адам өміріндегі маңыздылығына тоқталып, қатысушыларға сәттілік тіледі.
Жарысқа келген әрбір команда бас жүде үшін таласта бар күш-жігерлерін салып, әрбір кездесуде қарсыластар өте тартысты ойын көрсетті. Залда аға буын спортшылары допты межелі торға салуға бар шеберліктерін жұмсап, қызықтыда тартысты ойын көрсетті.
Жарыс нәтижесінде командалық есеп бойынша І орынды – Түлкібас ауданының командасы, ІІ орында – Қызылорда облысынан келген команда иеленсе, ал ІІІ орынды – Арыс қаласының командасы жеңіп алды. Сонымен қатар, жарыста ерекеше көзге түскен спортшылар үздік номинациялармен марапатталды.
