gazetakentau
Кентау Gismeteo

ҚАЗ РУС

  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
  • Қоғам
  • Заң
  • Билік
  • Білім
  • Мәдениет
  • Дерекқор
  • Спорт
  • Таным
  • Сұхбат
  • Анықтама
No Result
View All Result
gazetakentau
No Result
View All Result
Home Жаңалықтар

Кентауда діни сауаттылықты арттыру шаралары жалғасуда

2 октября, 2025
in Жаңалықтар, Қоғам
0
Кентауда діни сауаттылықты арттыру шаралары жалғасуда
Share on FacebookShare on Twitter

Кентау қаласына қарасты Қарнақ ауылында жастар мен оқушылар арасында діни экстремизмнің алдын алу және діни сауаттылықты арттыру мақсатында ақпараттық-түсіндіру кездесулері ұйымдастырылды. Шара Қарнақ жалпы білім беретін мектебі, М.Қашқари атындағы мектеп-лицейі және “Urker” мектебінде өтті.

Кездесуге “Кентау қалалық Руханият орталығы” КММ-нің теолог маманы Ұ.Құлтай мен инспектор Б.Самбетов қатысты. Мамандар оқушыларға діни тұрақтылықты сақтау, теріс діни ағымдардың зияны, шетелде діни білім алудың қауіптілігі және ұлттық құндылықтарды дәріптеу тақырыптарында жан-жақты түсіндіру жұмыстарын жүргізді.

-Деструктивті діни ағымдар – қоғамның тыныштығына, мемлекеттің тұтастығына, ұлттың болашағына үлкен қауіп төндіретін құбылыс. Оларға қарсы тұру – бүгінгі күннің өзекті міндеті. Егер біз рухани сауатты, ұлттық құндылықтарын құрметтейтін, бейбітшілік пен келісімді бағалайтын ұрпақ тәрбиелегіміз келсе, онда мұндай ағымдарға жол бермеуіміз керек. Тек осындай жағдайда ғана біз тұрақты, біртұтас, берік мемлекет құра аламыз. Сондықтан деструктивті діни ағымнан ада қоғам – тұрақты елдің негізі болып қала бермек, — деді теолог маман Ұ.Құлтай.

Ал, Б. Самбетов деструктивті діни ағымдардың мәні мен сипаты туралы айтып берді.

-Деструктивті діни ағымдар – бұл қоғамда алауыздық, іріткі, төзбеушілік пен радикалды көзқарастарды насихаттайтын топтар. Олар көбінесе дәстүрлі дінді бұрмалап, өз мүддесіне пайдалана отырып, адамдардың санасын улайды. Мұндай ағымдардың мүшелері мемлекеттің заңдары мен зайырлы құрылымына қарсы шығып, шариғатты бұрмаланған түрде қолдануды талап етеді. Олардың қызметі көбінесе құпия түрде жүргізіліп, әлеуметтік желілер мен бейресми діни сабақтар арқылы жүзеге асады. Деструктивті діни ағымдар қоғам үшін аса қауіпті құбылыс болып саналады, — деді ол.

Сондай-ақ, Б.Самбетов деструктивті діни ағымдардың қоғамға тигізетін залалын түсіндіріп өтті.

— Қоғам бірлігін бұзады. Жат ағым өкілдері халықты өзара сенімсіздікке, күдікке итермелеп, ұлттық бірлікті әлсіретеді. Отбасылық институтты әлсіретеді. Мұндай ағымдарға кірген адамдар өз ата-анасын, туған-туысын «кәпір» деп, қарым-қатынасты үзіп жатады. Білім мен ғылымнан алшақтатады. Деструктивті топтар зайырлы білімді жоққа шығарып, жастардың дамуына кедергі келтіреді. Терроризмге жол ашады. Радикалды бағыттағы ағымдар адамды экстремистік әрекеттерге итермелеуі мүмкін. Бұл – қоғам мен мемлекет үшін үлкен қатер, — деді инспектор.

Мамандар атап өткендей, қазіргі таңда түрлі деструктивті ағымдар жастарға әлеуметтік желілер мен онлайн платформалар арқылы әсер етуді жиілеткен. Сондықтан діни сауаттылық пен сыни ойлау қабілетін дамыту – жастардың радикалды идеологияға қарсы тұруының басты тетігі.

Кездесу барысында оқушылар мен ұстаздар тарапынан өзекті сұрақтар қойылып, нақты жауаптар берілді. Ұлттық рухани құндылықтардың қоғамдағы орны мен олардың жастардың өмірлік ұстанымдарын қалыптастырудағы маңызы ерекше аталды.

Осындай түсіндіру іс-шараларының басты мақсаты – діни экстремизм мен радикализмнің алдын алу арқылы елдегі тұрақтылық пен қоғамдық келісімді сақтау. Мамандардың айтуынша, жастардың діни сауатын арттыру – болашақтағы қауіпсіз қоғамның кепілі.

Previous Post

Президент алдағы Ұстаздар күнімен құттықтады

Next Post

Түркістан облысында тұмау мен ЖРВИ-ге қарсы екпе салу жұмыстары жүріп жатыр

Добавить комментарий Отменить ответ

Ваш адрес email не будет опубликован. Обязательные поля помечены *

        E-mail:gazetakentau@mail.ru
Қабылдау бөлімі: тел:+7 776 666 5218

Сайт әкімшілігі материалды көшіріп басу кезінде kentauinfo.kz сайтына тікелей гиперсілтеме көрсетуді талап етеді

Біз әлеуметтік желіде

No Result
View All Result
  • Жаңалықтар
  • Cаясат
  • Қоғам
  • Билік

Кентау газеті gazeta-kentau.kz