Құсбегіліктен ересектер арасында өткен XIX ҚР чемпионаты өз мәресіне жетті. Байрақты бәсеке 19-22 ақпан күндері Батыс Қазақстан облысы, Орал қаласында ұйымдастырылып, еліміздің әр өңірінен келген құсбегілер өзара мықтыны анықтады.Ел біріншілігінде Түркістан облысының намысын қорғаған спортшылар жоғары дайындық деңгейін көрсетті. Чемпионат қорытындысы бойынша Түркістан облыстық ұлттық спорт түрлерінен мамандандырылған балалар мен жасөспірімдер спорт мектебінің спортшысы Бағдат Кеуенов «Бүркіт» санаты бойынша I орынды иеленіп, ел чемпионы атанды.
Аталған жеңіс – жүйелі жаттығу мен кәсіби даярлықтың нәтижесі. Сондай-ақ, бұл табыс Түркістан өңірінде ұлттық спорт түрлерін, соның ішінде құсбегілік өнерін дамыту бағытындағы жұмыстардың жемісті жүргізіліп жатқанының айқын дәлелі.
