Түркістан қаласында тұрғындарға қолайлы орта қалыптастыру және шаһардың экологиялық ахуалын жақсарту мақсатында абаттандыру және көгалдандыру жұмыстары жүйелі түрде жүзеге асуда.
Бүгінде қала аумағында 45 мыңнан астам тал көшеті отырғызылып, 1,5 миллионға жуық гүл егілді. Атқарылып жатқан жұмыстар қала көшелері мен қоғамдық орындардың көркін арттырып, тұрғындар мен қонақтар үшін жайлы орта қалыптастырмақ. Қазіргі таңда көгалдандыру және әрлеу жұмыстары қарқынды түрде жалғасуда. Мамандар тарапынан жасыл желектерді күтіп-баптау, суару және оларды сақтау шаралары жүргізіліп жатыр. Сонымен қатар, көшет егу жұмыстары күзгі маусымда да жалғасып, жасыл желек көлемін одан әрі арттыру жоспарланған.
