Бүгінгі таңда еліміздің дамуы тек Үкімет пен Парламенттің ғана ісі емес. Әрбір ауылдың жолы, әрбір қаланың ауруханасы, әрбір отбасының әл-ауқаты — бәрімізге ортақ мәселе. Құрылтай дәл осы мәселелерді жоғарыдан емес, төменнен, яғни халықтың өз аузынан естуге арналған алаң.
Құрылтай мүшелері заң жобаларын талқылауға қатысады, өңірлердегі өзекті проблемаларды үкіметке тікелей жеткізеді. Басқаша айтқанда, Құрылтай — халықтың «дауыс зорайтқышы».
Біздің шешіміз бен белсенділігіміз бүкіл елге үлгі болуы керек. Бейжайлық — ең үлкен қателік. Бүгін берілген бір дауыс ертеңгі мектепке, ауруханаға, жұмыс орнына айналуы мүмкін.
Ұрпағымыз үшін, еліміздің жарқын болашағы үшін сайлауға белсенді қатысайық!
Назерке Алматай,
Кентау қаласының тұрғыны
