Сайлау – әр азаматтың ел болашағына қатысты өз ұстанымын білдіретін маңызды қоғамдық шара. Сондықтан азаматтың денсаулық жағдайы, жүріп-тұру мүмкіндігі немесе басқа да себептер оның сайлау құқығын жүзеге асыруына кедергі болмауы тиіс.
Кентау қаласында алдағы Қазақстан Республикасы Құрыл-тай депутаттарын сайлау кезінде барлық азаматтың дауыс беруіне мүмкіндік жасауға ерекше көңіл бөлінуде. Қаладағы 35 сайлау учаскесінде сайлаушылар үшін қажетті жағдайлар алдын ала қарастырылған.
Әсіресе, ерекше қажеттіліктері бар азаматтардың сайлауға еркін қатысуына басымдық берілген. Бүгінде қала бойынша осындай 1039 сайлаушы тіркелген. Олардың қатарында креслоарбаны пайдаланатын 197 азамат, көру қабілетіне байланысты мүгедектігі бар 238 және есту қабілетіне байланысты ерекше қажеттілігі бар 604 сайлаушы бар.
Бұл азаматтардың сайлау учаскесіне еш кедергісіз жетуі үшін дауыс беру күні 4 инватакси мен 5 әлеуметтік такси қызмет көрсетеді. Ал сайлау учаскелерінің өзінде тірек-қимыл аппараты бұзылған азаматтардың қозға-лысына қажетті жағдайлар жасалған.
35 учаскенің барлығында жасырын дауыс беруге арналған арнайы кабиналар жабдықталып, ерекше қажеттіліктері бар азаматтарға арналған жеке бұрыштар ұйымдастырылған. Сайлау учаскелері қажетті материалдық-техникалық құралдармен толық қамтылған.
Азаматтың учаскеге келе алмауы да оның таңдау жасауына тосқауыл емес. Денсаулығына немесе өзге де дәлелді себептерге байланысты сайлау учаскесіне бара алмайтын сайлаушы учаскелік сайлау комиссиясына алдын ала өтініш бере алады. Бұл жағдайда комиссия мүшелері тасымалданатын сайлау жәшігімен азаматтың тұрған жеріне барып, дауыс беру мүмкіндігін қамтамасыз етеді.
– Әрбір азаматтың дауысы – ел бол-ашағына қосылған маңызды үлес. Сайлау – азаматтық жауапкершіліктің айқын көрінісі. Сондықтан әр сайлау-шының өз таңдауын еркін білдіруіне жағдай жасау – біздің басты міндетіміз. Бұл бағыттағы жұмыстар заң талаптарына сәйкес жүргізіліп жатыр, – деді Кентау қалалық аумақтық сайлау комиссиясы төрағасының орынбасары Бектемір Ибадуллаев.
Сайлау комиссияларының мүшелері де бұл жауапты науқанға тыңғылықты дайындалуда. Олар арнайы оқытудан өтіп, дауыс беру тәртібі мен сайлау заңнамасының талаптарын пыс-ықтады.
Ең бастысы – әр азаматтың таңдауы еркін болуы. Дауыс берудің құпиялығы сақталып, комиссия мүшелері сай-лаушының таңдауына араласпайды.
Осылайша Кентауда дауыс беруге ниетті әр азамат үшін тең мүмкіндік қалыптастыруға бағытталған жұмыс-тар толық жүргізілуде.
