Құқық қорғау саласында қызмет ету – үлкен жауапкершілік пен кәсібилікті талап ететін абыройлы міндет.
Жанерке Шуланбева – Созақ аудандық полиция бөлімінің тергеу бөлімшесінің тергеушісі. Ол қызметтік міндеттерін атқару барысында заңдылықты басты қағида ретінде ұстанып, әрбір қылмыстық істі мұқият зерделеп, қажетті тергеу әрекеттерін сапалы жүргізуге мән береді.
Тергеушінің жұмысы жоғары жауапкершілікті, ұқыптылықты және кәсіби біліктілікті талап етеді. Жанерке Жәнібекқызы қылмыстық құқық бұзушылықтарды тергеу, дәлелдемелерді жинау және саралау, жәбірленушілер мен куәлардан жауап алу, процессуалдық құжаттарды заң талаптарына сәйкес рәсімдеу жұмыстарын жауапкершілікпен атқарып келеді.
Сонымен қатар ол азаматтармен қарым-қатынаста әдептілік пен сабырлылықты сақтап, олардың құқықтары мен заңды мүдделерінің қорғалуына ерекше мән береді.
Полиция қызметіндегі басты міндет – заңдылықты қамтамасыз етіп, азаматтардың қауіпсіздігін қорғау. Осы жауапты міндетті абыроймен атқарып жүрген Жанерке Жәнібекқызының кәсіби ұстанымы мен адал еңбегі әріптестеріне үлгі.
Заң үстемдігін қамтамасыз ету жолындағы адал қызмет – ел сенімін ақтаудың басты өлшемі.
