Құқықтық мәдениетті қалыптастыру бала кезден басталуы керек. Жас ұрпақ Конституцияның мәнін түсініп, өзінің құқықтары мен міндеттерін білгенде ғана қоғамның жауапты әрі белсенді мүшесіне айналады.
Бүгінгі жастар тек өз құқықтарын талап етумен шектелмей, қоғамдық тәртіпті сақтауға, қоршаған ортаға жанашырлық танытуға және елдің дамуына үлес қосуға дайын болуы қажет. Бұл – азаматтық жауапкершіліктің нақты көрінісі.
Түркістан облысында білім беру ұйымдарында құқықтық түсіндіру жұмыстарын жүргізу, жастардың қоғамдық бастамаларын қолдау және отансүйгіштік құндылықтарды дәріптеу осы бағыттағы маңызды қадамдар болып табылады.
Конституцияны құрметтейтін, заңды білетін және жауапкершілікті сезінетін жас буын – мемлекеттің жарқын болашағының кепілі.
