Рәміздер — ұлттық біртұтастығымыздың нышаны

Мемлекеттік рәміздер күніне орай зерттеуші Нұрлан Насыр мемлекеттік қызметкерлер мен журналистерге мемлекеттік рәміздер жайында лекция оқыды. Қала әкімдігінде өткен жиын барысында мемлекеттік рәміздердің құрметтеу, оның жасалу жолдары кеңінен сөз болды.
— Мемлекеттік Елтаңбаның орталық геральдикалық элементі — көгілдір түс аясындағы шаңырақ (киіз үйдің жоғарғы күмбез тәрізді бөлігі) бейнесі. Шаңырақты айнала күн сәулесі секілді тараған уықтар шаншылған. Шаңырақтың оң жағы мен сол жағына аңыздардағы қанатты пырақтар бейнесі орналастырылған. Міне, мұның баршасыда елдің негізі белгілері болып табылады. Еліміз Тәуелсіздігін алған 30 жылдың ішінде биік белестерді бағындырды. Әнұранымыз шет елдерде шырқалып, мерейімізді үстем етті. Туымыз да биікте қалықтап тұр, – деді ол.
Сондай-ақ, мемлекеттік рәміздер — еліміздің егемендігі мен ұлттық біртұтастығымыздың нышаны екендігін айтып өтті.