АЛҒАШҚЫ ҚОҢЫРАУ СОҒЫЛДЫ

Бүгін елімізде жаңа оқу жылы басталып, бірінші сынып оқушылары үшін алғашқы қоңырау соғылды. Қала әкімі Дәурен Махажанов қаладағы №23 Ә.Бөкейханов атындағы жалпы орта мектебінде өткен салтанатты шараға қатысты.
— Әлемдік дамуға бет алған бүгінгі қазақ елінің болашағы білім мен тәрбие алауын жаққан мектеппен тікелей байланысты. Барлығымыз кезінде мұғалімнен тәлім-тәрбие алып, білімін үйрендік. Ұстаздың алдында бас имейтін адам жоқ. Сіздерге үлкен алғыс айтамын! Жаңа оқу жылы құтты болсын!» — деді Дәурен Сәбитұлы.
Еліміздегі эпид жағдайға байланысты мектептегі алғашқы қоңырауға тек бірінші сынып оқушылары қатысты. Мұнан соң, мектеп табалдырығын жаңадан аттаған оқушыларға «Әліппе» мен «Букварь» оқулықтары тапсырылды.