Әдіскерлер Жолдауға жедел үн қосты

Кентау қалалық адами әлеуетті дамыту бөлімінің әдістемелік кабинет меңгерушісі А.Мақұлбекова әдіскерлермен Қазақстан Республикасының Президенті Қасым-Жомарт Кемелұлы Тоқаевтың «Халық бірлігі және жүйелі реформалар — ел өркендеуінің берік негізі» тақырыбындағы Қазақстан халқына жолдаған Жолдауын талқылады. Ұстаздар Жолдаудағы айқын басымдықтар елді дамудың даңғыл жолына бастайтындығын сөз етіп, қолдайтындықтарын жеткізді. Сондай-ақ, білім саласына бағытталған Жолдау жолдары әдіскерлерге тың серпіліс беретінін айтты.
Елімізде болып жатқан індеттен бойымыз аулақ болу үшін педагогтарды толық вакциналау жұмыстарын жүргізу, мұғалімдердің біліктілігін 5 жылда емес, енді 3 жылда бір рет көтеру, оқу бағдарламаларын жаңа жағдайға бейімдеу туралы түсіндірді. Дарынды балаларды қолдау, оқушыны дайындаған ұстаздарды моральдық және материалдық тұрғыдан ынталандыру, «Цифрлы ұстаз» білім беру жобасымын толықтыру әдіскерлердің көңілдеріне қуаныш ұялатты. Президент мұғалімдер шәкірттерінің бойына жаңа білім сіңіре алатындай нағыз ағартушы болуға тиіс деп ұстаздарға үлкен міндетті айқындап берді.
Білім мен ғылымның дамуына басымдық берілген Жолдауды әдіскерлер қолдап үн қосты.