Кентау қаласы әкімінің орынбасары болып Ақнұр Байболова тағайындалды

Кентау қаласының әкімі Д.Махажановтың өкімімен қала әкімінің орынбасары болып Ақнұр Нұралықызы Байболова тағайындалды.
Ақнұр Нұралықызы 1980 жылы Кентау қаласында дүниеге келген. Ататүрік атындағы №4-ші мектептің түлегі. 2002 жылы Е.Букетов атындағы Қарағанды мемлекеттік университетін бітіріп, «Әлеуметтанушы», «Әлеуметтану пәнінің оқытушысы» мамандығын, 2020 жылы аймақтық әлеуметтік-инновациялық университетінің «Құқықтану» мамандығын меңгерген. Жалпы еңбек өтілі 18 жыл 5 ай.
Еңбек жолында Кентау қалалық жастар ісі және ішкі саясат бөлімі маманының міндетін атқарушы, қалалық жастар ісі және ішкі саясат бөлімінің маманы, қалалық ішкі саясат бөлімінің жетекші маманы, қалалық ішкі саясат бөлімінің бас маманы, қалалық мәдениет және тілдерді дамыту бөлімінің бас маманы болып еңбек етті.
05.05.2017 жылдан бүгінгі күнге дейін Кентау қалалық мәдениет және тілдерді дамыту бөлімінің басшысы қызметін абыроймен атқарды.