Құрылыс барысында кемшіліктер анықталды

КЕНТАУ — Жөндеу жұмыстарынан өтіп жатқан көп қабатты үйлерге партиялық бақылау жұмыстары жүргізілді, — деп хабарлайды Кентау Ақпарат.
Қазақстан Республикасының Тұрғын үй — коммуналдық шаруашылығын дамытудың 2020 -2025 жылдарға арналған «Нұрлы Жер» мемлекеттік бағдарламасы аясында Кентау қаласындағы көпқабатты тұрғын үйлерге күрделі жөндеу жұмыстары жүріп жатыр. Бүгін «Nur Otan» партиясы Кентау қалалық филиалының жанындағы партиялық бақылау комиссиясының мүшелері құрылыс барысында болып, жөндеу жұмыстарының сапасын бақылады. Тұрғындармен кездесіп, ұсыныстарын тыңдады.
Атап айтқанда Абай көшесі №11, 9, 7,5,3,1 үйлерге мониторинг жұмыстары жүргізілді.
Нәтижесінде біршама кемшіліктер анықталды. Мәселен, кей мердігерлер жұмысшылардың ақысын бермегендіктен қасбеттің жартысын боямай кеткен. Подъезд ішіндегі қорғаныс жүйесінің ағаштары да талапқа сай емес. Электр жүйесінің сымдарыда талапқа сай жабылмаған. Баспалдақтағы бояуда бірыңғай жағылмаған. Ал, тұрғындар тарапынан жөндеу жұмыстарының мерзімі созылып жатқандығы айтылды.
Мониторинг жұмыстарын жүргізу барысында анықталған кемшіліктер бойынша тапсырыс берушіге, мердігерлерге және техникалық қадағалаушыларға тиісті ұсыныстар айтылып, желтоқсан айының соңына дейін кемшіліктерді жоюға және тұрғындардың айтқан ұсыныстарын орындауға уақыт берілді. Алдағы уақытта партиялық бақылау комиссиясы тарапынан қайта мониторинг жұмыстары жүргізілетін болады.