Кентау қаласындағы тұрғын үйдердің басым бөлігі кәріз жүйесіне қосылған. Осы уақытқа дейін өзекті болып келген мәселенің шешімін табу мақсатында, қала әкімі Р.Аюпов сала мамандарымен жиын өткізді. Онда қала тұрғындарының саны артуына және кәріз жүйесінің құбырлары мен сорғыларының ескіруіне байланысты жаңасын салу мәселесі қаралды.
Жиында кәріз жүйесінен шыққан қалдықтарды көпқабатты үйлерден алыстату және жобалаушылармен тазарту құрылғысын салу барысы талқыланды. Барлық сорғылар жаңартуды қажет ететіні айтылды.
Айта кетейік, бұған дейін, қала тұрғындары кәріз жүйесінен жиналатын қалдықтар орнындағы жағымсыз иіске шағымданған болатын. Осыған орай қала әкімі қаладағы «Канализация сорғы станциясының» жұмысымен танысты. Сорғының жарамсыз халге жеткенін көріп, шұғыл жаңасын алу бойынша шешім қабылдап, қажетті құжаттарды әзірлеуді тапсырған.
