Кентауда су құбыры жарылып, 3 мөлтек аудан мен бірнеше көше тұрғындары сусыз қалды

Кентау қаласындағы Яссауи даңғылы бойындағы 500Q д/м су құбыры жарылып, мамандар жолдың қақ ортасын қазуға мәжбүр болды.
Қазір Балабүргем м.а, Шұғыла м.а, Жұлдыз м.а және Айбергенова, Сельскии, Металлург, Б.Майлин, Әл-Фараби, Ш.Құдайбергенов, Яссауи көшелеріне уақытша су беру тоқтатылды.
«Жедел атқарылып жатқан жұмыстар барысын қадағалаған қала әкімі, мүмкіндігінше орын алған ақауды ретке келтіріп, тұрғындарға су беру жағын жеделдетуді тапсырды»,-делінген қала әкімідігінің баспасөз қызметі таратқан хабарламада.
Сондай-ақ, Кентау қаласы әкімдігінің баспасөз қызметі барлық атқарылып жатқан жұмыстар басшылық назарында екендігін жеткізді.