Биыл «Батырларға тағзым»  акциясы онлайн форматта өтеді

Ұлы Отан соғысындағы Жеңістің 77 жылдығына орай, биыл «Жаужүрек полк» акциясы онлайн форматта «Батырларға тағзым» атауымен өткізіледі. Бұған сәйкес ақпараттық және көрнекі материалдарды әзірлеуде тек «Батырларға тағзым» онлайн акциясы деп қолдану қажет.
Акция «Тengrinews» сайтындағы «Жеңімпаздар/Победители» онлайн платформасында ұйымдастырылады. Шараға қатысушылар whatsApp 7​ 700​ 905 19 45 нөмеріне майданда қаза болған аталары туралы мәліметті (аты-жөні, туған күні мен жылы, әскерге шақырылған жері, атақ-шені, фотосуреттері және тағы басқа) жібере алады.
Қазақстандықтар https://tengrinews.kz/pobediteli/ сайтына кіру арқылы сауалнама толтырып, соғыста қаза болған батырлар мен ардагерлер туралы ақпаратпен таныса алады.