Кентауға БАӘ инвесторлар келді

Кентау қаласының әкімі Рашид Аюпов Біріккен Араб Әмірлігінен келген профессор Дабабрата Чоудхури, Мариям Хасан Дарвиш Алхаммадимен кездесті. Кездесу барысында екіжақты ынтымақтастықтың маңызды мәселелері кеңінен талқыланды.
Дабабрата Чоудхури Кентау қаласының әлеуметтік, экономикалық, академиялық бағытына Әбу-Дабиден инвесторлар тартуға мүмкіндіктер барын атап, қаланың ерекше аймақта орналасқанына қызығушылық танытты.
Қала әкімі қаланың дамуына, қала тұрғындарының әлеуметтік жағдайына оң әсер беретін инвесторлармен жұмыс жасауға әзір екенін жеткізді.