Түркістан облысында жаяу жүргіншілерге жерүсті өткелдері салынды

«Алматы-Ташкент-Термез» тас жолында жаяу жүргіншілерге арналған үш бірдей жерүсті өткелі салынды. Оның бірі Шарапхана ауылыны тұсында, қалған екеуі Ащыбұлақ ауылында (764 шақырым және 766 шақырым) орналасқан. Бұл — жаяу жүргіншілерді жолдағы қауіп-қатерден сақтап, қауіпсіздігін қамтамасыз етудің ең тиімді жолы.
Өткелдердің әрқайсысында мүгедек жандарға арналған пандустар мен көтергіштер орнатылды. Түнгі уақытта электр шамдары жанып тұрады. Алдағы күндері іргелес аумақты абаттандыру мен көгалдандыру жұмыстары басталады,-дейді «ҚазАвтоЖол» ҰК «АҚ өкілдері.
Аталған нысандардың құрылыс сапасын ҚР Индустрия және инфрақұрылымдық даму министрілігіне қарасты ұлттық сапа орталығы бақылайтын болады.