Конституциялық өзгерістердің маңызы жоғары

Конституциялық реформалардың маңыздылығын түсіндіру мақсатында «AMANAT» партиясының жанынан құралған штаб мүшелері
Кентау көпсалалы колледжінің ұжымымен кездесті. Түркістан облыстық штабының мүшесі Индира Икапова, қалалық штаб төрағасының орынбасары Талғат Балабиев, штаб мүшелері Ұлбала Мұсаханова, Бейсен Самбетов және колледж директоры Гүлжан Шаймерденова колледж ұстаздары мен жоғары курс студенттеріне Конституциялық реформалардың маңыздылығын түсіндірді.
«Қазақстандықтар тарихи таңдаудың қарсаңында ел алдындағы жауапкершілікті сезінуі тиіс. Референдум өткізу — саяси дамудың келесі кезеңі. Бұл — уақыт талабы. Себебі ел тағдырын анықтайтын реформаларға тек депутаттар ғана емес, бүкіл халық қатысу қажет», — деді Индира Сарқытқызы.
Ал, Талғат Рахымұлы референдум — қоғам арасында қызу талқыланып, қолдау тауып отырғандығын жеткізсе, Ұлбала Ермаханқызы референдум қорытындысымен Конституцияға енетін өзгертер бойынша мәлімет берді.
Колледж ұстаздары тарапынан сұрақтар қойылып, ұсыныстар айтылды. Көпшілік референдумды қолдайтындығын айтты.