Шымкентте жол ережесін бұзған түлектер жауапқа тартылды

Әлеуметтік желде мектеп бітіруші түлектердің көлікке мініп, жол ережесін бұзған бірнеше видеосы тараған болатын. Онда жастар мінген кортеждер жол қозғалысы ережелерін бұзғанын анық көруше болады.
Шымкент қаласы полиция департаментінің жергілікті полиция қызметінің қызметкерлері Hundai Accent, Toyota Land Cruiser және Toyota Camrу автокөліктерінің жүргізушілерін ҚР ӘҚБтК-нің 590-бабы «Көлiк құралдарын пайдалану қағидаларын бұзу», 593-бабы «Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау» және 606-бабы «Жол жүрiсiне қатысушының жол жүрiсi қағидаларын авариялық жағдай туғызуға әкеп соққан бұзушылығы» бойынша жауапкершілікке тартты.
Айта кетейік, 25 мамырда Шымкент қаласының патрульдік полицейлері жол қозғалысы ережелерін бұзғаны 132 жүргізушіні әкімшілік жауапкершілікке тартты. Оның ішінде 10 автокөлік айыптұрағына орналастырылды