Кентауда байқау орталығы референдум бойынша семинар-кеңес өткізді

Кентау қаласындағы «Жастар ресурстық орталығы» ғимаратында 2022 жылдың 5 маусымына тағайындалған РЕФЕРЕНДУМ бойынша «Партиялық емес байқау орталығы» республикалық қоғамдық бірлестігінің Түркістан облыстық филиалының төрағасы Бақытжан Әшірбаевтың жетекшілігімен семинар өтті.
Семинарға қаламыздағы 34 референдум комиссиясының төрағалары мен хатшылары, аталмыш қоғамдық ұйымнан байқаушы ретінде ұсынылатын азаматтар қатысты.
Бақытжан Шәкірұлы референдум өткізу барысында байқаушылардың міндеті, референдум комиссиясы төрағаларының жұмысы, жалпы осы референдумды заң аясында өткізу мәселесіне терең тоқталды.
Семинар барысында қатысушылар тарапынан түскен сұрақтарға Бақытжан Шәкірұлы заңға сәйкес жан-жақты жауап берді.