Түркістан облысында суға батып кеткен екі шетелдік студентті іздеу жұмыстары жүргізілуде

2022 жылғы 26 маусым күні сағат 20:10-да Түркістан облысы ТЖД кезекші-диспетчерлік қызметіне Төле би ауданының Ханарық ауылынан 5 шақырым жерде орналасқан Ақсу шатқалындағы Ақсу өзенінде 2 студенттің белгісіз жағдайда суға түсіп, батып кеткені туралы ақпарат түскен болатын. 21 студенттен құралған топ Шымкент қаласынан келген. Барлығы Үндістан Республикасының азаматтары, Оңтүстік Қазақстан медицина академиясының студенттері. Іздестіру-құтқару жұмыстарына Түркістан облысы ТЖД 19 қызметкер, 1 жүзу құралы және 4 техника, Полиция департаментінен 10 қызметкер және 5 техникасы жұмылдырылды. Түркістан облысы ТЖД құтқарушылары екі шетелдік студентті іздеу жұмыстарын жүргізуде. Мамандар азаматтарға судағы қауіпсіздік шараларын сақтауға кеңес береді.