Еліміздің Президенті Қ.Тоқаевтың жарлығымен қоршаған ортаға қамқорлық, туған жерге деген сүйіспеншілікті насихаттау мақсатында «Қоқыссыз таза табиғат» акциясы аясында сенбілік өтті. Қала тазалығын сақтауға қаладағы барлық мекемелердің қызметкерлері, қала жастары мен еріктілер, тұрғындар қатысты. Тазалық шарасы қала тұрғындары көп серуендейтін Орталық саябақта жүзеге асырылды.
Саябақты жалпы күл-қоқыстардан тазартты. Сонымен қатар, белсенді еріктілер талдарға құстарға арналған ұялар орнатты.
Жалпы қала бойынша «Қоқыссыз табиғат» акциясына 580 адам катысып, 12 техника жұмылдырылды. Қала сыртындағы полигонға 240 тонна қоқыс шығарылды.
Шараның мақсаты қала тұрғындарын, жастарын қала тазалығын сақтауға шақыру. Тазалық бар жерде саулық болатынын кейінгі ұрпаққа насихаттау. Табиғатқа жанашырлықпен қарау болып табылады.
