Кентау қаласында орналасқан Ыбырай Алтынсарин атындағы №1 мектептің ауласындағы алма ағашы қайта гүлдеді.
Табиғаттың тамаша құбылысын Тұрар Омаров есімді әлеуметтік желі қолданушысы видеоға түсіріп алған.
Кейін желіге жүктеген ол күн райының жылы екендігін айтады.
Ал, желі қолданушылары таңқалып түрлі пікір жазып жатыр.
Оның бірі «Кентауда райы көктемдегідей болып тұр. Тіршілік қайта гүлдеп жатқаны сондықтан Жақсылықтан үміт үзбейік» десе, енді бірі «келесі жылы алма салмайтын шығар» деп алаңдаушылығын білдірген.
Жалпы қазіргі кезде Түркістан облысының көп бөлігінде күн райы жылы. Ауа температурасы күндіз +13,+15 болса, түнде +8 көрсетіп тұр.
