Мемлекет басшысы Қ.Қ. Тоқаев 25 қазанды мемлекеттік мереке – Республика күні деп белгіледі. Осыған орай «AMANAT» партиясы, «Жастар рухы» Жастар қанаты еліміздің барлық аймақтарында мерекелік автошеру өткізуде.
Кентау қалалық партия филиалының ұйымдастырған «Бір Тудың астында» акциясы «Ынтымақ» алаңында бастау алды. Мемлекеттік Туды көліктермен алып жүрген жастар қала көшелерінде автошеру жасады. Атқа қонған қала жастары да Туды көтеріп, іс-шараның көрігін келтірді.
«AMANAT» партиясы мен «Jastar Ruhy» Жастар қанатыныңмүшелері қаланың басты көшелерімен жүріп өтті. Сондай-ақ, «Көк Төбесі» рәміздер алаңында жиналды. Онда «AMANAT» халықтық колалиция қалалық штабының төрағасы Арман Басаров көпшілікті Республика күнімен құттықтады. Мемлекеттік мерекенің тарихымен таныстырып, маңыздылығын түсіндірді.
Іс-шара концерттік бағдарламамен жалғасын тапты.
