Мердігерлер кемшілігін түзетті

Асыққанның ісі — шала. Ұлттық сапа орталығы бірнеше мердігердің осындай «шалалығын» әшкере етті. Орталық инженерлері биыл облыстық жолдарға 734 рет тексеріске шығып, 2581 сынама алған. Оның 767 – нормаға сай болмай шыққан. Бас-аяғы 444 ақау анықталған. Нәтижесінде мердігерлер 328 млн 966 мың теңгенің жұмысын қайта істеуге тура келген. Айталық, 37 мың шаршы метр жолдың негізгі қабаты қайта салынып, 70 мың шаршы асфальт қайта төселген. 25 мың шаршы метрге жуық жол төсемі тегістелді. Ұлттық сапа орталығының Түркістан облыстық филиалы мамандары құрылыс жұмыстарына немқұрайлы қараған техникалық қадағалаушыларды да анықтап, өңірлік сәулет және қалақұрылысы басқармасына 7 бірдей хат жолдаған. Нәтижесінде 4 техқадағалаушы лицензиясынан айрылды.