Көпбалалы отбасыларды жаңа жылмен құттықтады

Жаңа жыл қарсаңында Түркістан облыстық мәслихатының депутаты, «AMANAT» партиясы Түркістан облыстық филиалы атқарушы хатшысының орынбасары, облыстың «Құрметті азаматы» Қалыйма Жантөреева Кентау қаласының бүлдіршіндеріне сыйлықтар табыс етті.
Көп балалы отбасылардың үйін аралап, жаңа жылмен құттықтады. Онға жуық отбасылардың үйлеріне барып, жалпы 50 балаға жаңа жылдық сыйлықтар үлестерді. Ата-аналар мен бүлдіршіндер Қалыйма Жантөрееваға ризашылықтарын білдіріп, алғыс айтты.
«Әсіресе көпбалалы отбасындағы бүлдіршіндерге тәттілер табыстағанда ерекше әсерге бөлендім. Әрқайсысы бір-бір сыйлықтан ұстап тұрғанда өзімнің балдәурен балалық шағым еске түсіп кетті. Әкетайымның жұмысынан үйдегі сегізімізге де тәтті сыйлық беріп жіберетін. Сыйлықтарды ұйықтағанда жастығымыздың астына басып ұйықтайтайтынбыз. Кейде шоколадтары еріп жастықтың тысын бүлдіріп қоятын еді. Сабырлы анамыз ләм демей жастықтысты ауыстырып қоятын. Еріксіз жымидым балалармен бірге қуандым» — деді Қалыйма Жантөреева.