Кентау қаласында ауыз су құбырында орын алған ақаулар дер кезінде қалпына келтірілген.
Сонымен қатар, абоненттерге су өлшегіш құралдарын орнату бойынша анықтау жұмыстары жүргізілген.
Анықтау барысында 2746 абонент жаңадан тіркеуге алынды. Қазіргі таңда жаңадан тіркелген абоненттердің құжаттары заңдастырылуда. Анықтау жұмыстары жалғастырылуда. Кентау қаласы мен елді мекендер бойынша барлық абоненттер саны — 25 831 құрайды.
Жаз айларында Байылдыр елді мекенінің жоғары орналасқан көшелерінде су қысымы төмендеп, сумен қамту проблемасы пайда болып, су кестемен берілген болатын. Қазіргі таңда бұл мәселе шешімін тапқан.
Дәл осындай жағдай Қарнақ ауылының Шаштөбе елді мекенінде 6 ай бойы ауыз сумен қамту мәселесі орын алған болатын. Қазіргі таңда, су тазарту стансасынан тартылған 200 мм су құбырының жүргізілген тексеріс барысында, осы құбырдың жарамсыз болған 15 м. бөлігі және осы елді мекеннің Шаштөбе көшесінде 150 м су құбыры ауыстырылып мәселе толығымен шешілді. Сонымен қатар, мекеме тарапынан 581 м. ауыз су құбыры ауыстырылды. Нәтижесінде қаладағы бірқатар аймақтың ауыз су жүйесі ретке келтірілді.
Сонымен қатар, ауыз су құбыры бойындағы жарамсыз 21 ысырмалар (задвижкалар) ауыстырылған.
Кентау қаласының кәріз су желісінің жалпы ұзындығы 124,215 шақырымды құрайды. Өткен жылы 545 м. кәріз құбыры ауыстырылған. Жұмыстар 2023 жылы да жалғасын табады.
