Қала әкіміне қабылдауға келген азаматтардың негізгі жүгінген мәселесі тұрғын үй жайында болды. Сонымен қатар, тұрғындар жер, жол, кәріз жүйесі, газ, көше жарықтары, әлеуметтік көмек алу мәселелері бойынша жүгінді.Пәтер сұраған тұрғындарға қала әкімі тұрғын үй берудің заңдылықтарын түсіндірді. Ағымдағы жылы қалада бес тұрғын үй құрылысын жүргізуге өтінім берілгенін атап өтті. Қаржы қаралған бойда құрылыс жүргізіледі. Алайда, үй заңға сәйкес кезекпен берілетінін айтты.
Аталған мәселемен келген тұрғындарды қала басшысы мұқият тыңдап, заң аясында жауап берді. Сонымен қатар, жауапты сала басшыларына келген тұрғындармен жеке жұмыс жасап, берілген ұсыныстар бойынша мүмкіндіктерді қарастыруды тапсырды.
Сонымен қоса, қаланы қардан тазарту жайы көтерілген мәселеге қала басшысы қазіргі таңда тазалық күнделікті жүргізіліп, барлық қала іші бақылауда екенін атап өтті. Қар тазалау біздің ортақ міндетіміз екендігін және тұрғындар да өздері тұратын аймақты тазартуға қолдау көрсетіп, бірге атсалысуға шақырды.
Жеке қабылдау қорытындысымен қала әкімі орынбасарлары мен жауапты бөлім басшыларына әрбір тұрғын тарапынан айтылған мәселелерді назарда ұстап, тиісті жұмыстар жүргізу жөнінде тапсырмалар жүктеді.
