Мақтаарал ауданында 2023 жылға арналған аудандық бюджет кірісі мен шығысы 14,6 млрд. теңге көлемінде бекітілді. Оның ішінде: бюджеттің салықтық түсімдер 3,0 млрд.теңге, субвенция 3,3 млрд.теңге, ал нысаналы трансферттер 8,1 млрд.теңге. Ағымдағы нысаналы трансферттер 5,6 млн. теңге, нысаналы даму транферттері 2,5 млрд. теңге.
Осы ретте ауданда құрылыс саласында атқарылатын жұмыстардың барысына тоқталсақ. Айталық, Достық ауылдық округіне қарасты Ж.Қалшораев ауылында мәдениет үйі және кітапхана салу жоспарланған. Былтыр аталған нысанныі жобалық-сметалық құжаттамасы әзірленіп, жеке сараптаманың 30.09.2022 жылы № ЮЖГЭКС-0012/22 санды оң қорытындысы алынды. Жобалауыш мекеме «МПК-ПРОЕКТ» ЖШС-і. Жобаның сметалық жобалық құны – 816 116,0 мың теңге. Аталған құрылыс нысаны «Ауыл-Ел Бесігі» жобасына ұсынылып, бюджеттік өтінім жолданды. Құрылыс нысанына «Ауыл-Ел Бесігі» жобасының аясында тиісті қаржы қаралған жағдайда, ағымдағы жылы құрылыс-монтаж жұмыстары қолға алынатын болады.
Сонымен қатар, Ж.Нұрлыбаев ауылдық округіне қарасты Ынталы елді мекеніне мәдениет үйі және кітапхана салу көзделген-ді. Осы мақсатта былтыр аталмыш нысанның жобалық-сметалық құжаттамасы әзірленіп, жеке сараптаманың 10.10.2022 жылы №ЮЖГЭКС-0014/22 санды оң қорытындысы алынды. Жобалауыш мекеме «ДИАС-проект» ЖШС-і. Жобаның сметалық құны 858 685,0 мың теңге деп бекітілген. Аталған құрылыс нысаны «Ауыл-Ел Бесігі» жобасына ұсынылып, бюджеттік өтінім жолданды. Құрылыс нысанына «Ауыл-Ел Бесігі» жобасының аясында тиісті қаржы қаралған жағдайда, 2023 жылы құрылыс-монтаж жұмыстары бастау алатын болады.
